İshki ister mınıstri Erlan Turǵymbaev pandemıa ýaqytynda ınternet arqyly jasalatyn qylmys sany artqanyn málimdedi. Bul týraly ol ortalyq komýnıkasıalar alańynda ótken halyq aldynda esep berý kezdesýinde aıtty.

– Onlaın qyzmetterdiń damýyna oraı ınternetpen jasalatyn alaıaqtyq 2 esege kóbeıdi. 450 adam jaýapqa tartyldy. Osy qylmystardyń nátıjesinde azamattarǵa 67 mln teńge shyǵyn keldi. Osyǵan baılanysty ishki ister mınıstrligi keıbir qylmyspen kúres ortalyǵynyń jumysyn kúsheıtti. Tek osy qylmystardy ashatyn arnaıy toptar quryldy.

Alaıaqtyq isterdiń aldyn-alý úshin basqa memlekettermen tyǵyz qarym-qatynas ornatýdamyz. Óıtkeni shetelde Qazaqstan azamattaryn aldaıtyndar kóbeıip ketti. Osy jyldyń ózinde Belarýs,  Reseı, Ýkraına elderinde azamattarymyzdy aldaǵan 3 myńǵa jýyq fakt tirkeldi, – dedi Turǵymbaev.

Mınstr azamattardy onlaın saýda jasaý kezinde abaı bolýǵa shaqyrdy.