Búgin májilis spıkeri Nurlan Nyǵmatýlınniń tóraǵalyǵymen palata búrosy ótip, onda aldaǵy jalpy otyrystyń kún tártibi naqtylandy.
Depýtattar qaraýyna birqatar ratıfıkasıalyq zań jobalaryn qaraý usynyldy. Atap aıtqanda, Eýrazıalyq ekonomıkalyq odaq týraly shartqa Armenıa jáne Qyrǵyz respýblıkalarynyń qosylýyna baılanysty ózgerister engizý týraly hattamany ratıfıkasıalaý týraly zań jobalary.
Sonymen qatar, kún tártibiniń jobasynda memlekettik satyp alý máseleleri týraly zańnamalyq túzetýlerdi II oqylymda qaraý kózdelgen.
Sondaı-aq, aldaǵy jalpy otyrysta Palata komıteti Qazaqstan men Reseı arasyndaǵy áskerı yntymaqtastyq týraly shartty jáne Táýelsiz Memleketter Dostastyǵyna qatysýshy memleketter qarýly kúshteriniń birlesken baılanys júıesi týraly kelisimdi ratıfıkasıalaýǵa qatysty zań jobalaryn jumysqa almaq.
Májilistiń baspasóz qyzmeti
Pikir qaldyrý