Qazaqstanda 2021 jyly 84 bala óz-ózine qol jumsady. Ózine qol salmaq bolǵan taǵy 164 bala  qutqaryldy. Bul týraly ishki ister mınıstri Erlan Turǵymbaev aıtty. 

Mınıstrdiń sózinshe, balalardy sýısıd jasaýǵa týystarmen bolǵan janjal, jalǵyzdyq sezimi, dostarmen qarym-qatynastyń úzilýi, materıaldyq jaǵdaı, oqý ornyndaǵy keleńsizdikter sıaqty sebepter ıtermeleıdi.

Atap aıtqanda:

• jalǵyzdyq sezimi – 12%;
• dostarmen qarym-qatynastyń úzilýi – 10%;
• oqý ornyndaǵy keleńsizdik, qolaısyz materıaldyq jaǵdaı – 3%.

Turǵymbaev jaz bastalǵaly balalarmen bolǵan jazataıym oqıǵalardyń sany artqanyn aıtty. 30 bala terezeden qulap ketip, onyń 6-y qaıtys bolǵan, 24-i túrli jaraqat alǵan. Kámeletke tolmaǵandar arasynda jol apatynan 43 bala qaıtys bolǵan. Oǵan sebep balalar qaýipsizdik beldikterin bekitpeıdi nemese balalar ustaıtyn qurylǵylarsyz tasymaldanady.