BUU gýmanıtarlyq bóliminiń basshysy Mark Loýkok Efıopıanyń soltústiginde asharshylyq bolyp jatqanyn jarıalady.
– Qazirdiń ózinde asharshylyq bolyp jatyr. Jaǵdaı odan beter nasharlaı túspek, – dedi ol.
Zertteý barysynda 350 myń adam soǵys bastalǵan Tıgraı aımaǵynda aýyr daǵdarysta ómir súrip jatqany anyqtaldy. Úkimettik kúshter men kóterilisshiler arasyndaǵy shaıqas Tıgraıdy qatty kúızeliske ushyratty, 2020 jyly qarashada shaıqas bastalǵannan beri 1,7 mıllıon adam basqa jaqqa qonys aýdarǵan. Baǵalaýǵa sáıkes, aımaqtaǵy azyq-túlik jaǵdaıy apattyq deńgeıge jetti. Jergilikti aýdandardaǵy turǵyndarǵa ashtyq pen ólim qaýpi tónip turǵany habarlandy.
Pikir qaldyrý