İshki ister mınıstri Erlan Turǵymbaev almatylyq 19 jastaǵy Aıajan Edilovanyń ólimine qatysty pikir bildirdi. 

– Bul jerde tergeýdiń egjeı-tegjeıin aıta almaımyn. Birinshiden, is Almaty qalasynyń arnaıy prokýrorlary óndirisinde jatyr. Biz kúdiktiniń ustalǵanyn jáne osy qylmysty jasaǵany áshkerelengenin jarıaladyq. Sonymen qatar, tergeýde aıyptalýshynyń psıhıkalyq jaı-kúıine kúmán týyndaǵan kezde, sot-psıhıatrıalyq saraptamasy árdaıym júrgiziletini týraly alǵashqy aqparatty berdik. Onyń nátıjesin Almaty qalasynyń prokýratýra organdarynan bile alasyz, – dedi mınıstr halyqqa esep berý kezdesýinde.

19 naýryzda Almatyda 19 jastaǵy Aıajan Edilova joǵalyp ketkeni habarlanyp, 22 naýryzda kisi qolynan qaza tapqany belgili bolǵan. Polısıa "Adam óltirý" baby boıynsha tergeý bastap, Túrkistan oblysynyń 1993 jylǵy turǵynyn qamaýǵa alǵan.