Bilim jáne ǵylym mınıstri Asqat Aımaǵambetov bıyl joǵary oqý oryndarynda grant sany jáne stıpendıanyń ósetinin málimdedi. Bul týraly ol halyq aldynda esep berý kezdesýinde aıtty.

– 2025 jylǵa deıin grant sanyn kóbeıtý josparda bar jáne ol 75 myń oryndy qamtıdy. Osy baǵytta tıisti jumystar júrgizilip jatyr. Búdjetten de qajetti qarajat bólindi. Osy qyrkúıek aıynda grant sany 5 myńǵa ulǵaıady. Jyl saıyn joǵary oqý oryndaryna 51 myń grant bólinetin, endi bıyl 56 myń bolady, – dedi mınıstr.

Aımaǵambetovtyń aıtýynsha, qyrkúıekten bastap bakalavrda oqıtyn stýdentterdiń stıpendıasy – 31 myń teńgeden sál asady, al magıstranttar shákirtaqysy 15 paıyzǵa ósip, shamamen 76 myń teńgegi quraıtyn bolady. Doktoranttardyń stıpendıasy – 82 paıyzǵa ósedi. Iaǵnı qyrkúıekten bastap olar 172 myń teńge alady. 2025 jylǵa deıin stıpendıa jyl saıyn arta beredi.