Shyǵys Qazaqstan oblysynyń bas sanıtar dárigeri Q. Turdıev koronavırýs ınfeksıasynyń taralýyn aldyn alý maqsatynda jańa qaýly jarıalady.

Qaýlyǵa sáıkes:

• karantın rejımin saqtaı otyryp, halyqty (týrıserdi) ornalastyrý jáne demalys qyzmetimen baılanysty týrısik sala nysandary qyzmetine (qonaq úıler, motelder, kempıngter, týrısik bazalar, qonaq kútetin úıler, demalys úıleri, sanatorııler, saýyqtyrý mekemeleri, pansıonattar jáne týrıserdiń turýy men olarǵa qyzmet kórsetý úshin paıdalanylatyn basqa da ǵımarattar men qurylystar) ruqsat etiledi;
• jaǵajaı aımaǵynda jáne ortaq serýendeý aımaǵynda (olar bolǵan jaǵdaıda) áleýmettik qashyqtyqty saqtaý boıynsha belgiler salynady;
• bir otbasy múshelerin qospaǵanda, barlyq jaǵynan demalýshylar arasynda keminde 1,5 metr qashyqtyqty saqtaı otyryp, jaǵajaı aımaǵynda demalýshylarǵa ruqsat beriledi;
• jazǵy demalysqa keletin adamdardyń kóp jınalatyn oryndaryndaǵy ǵımarattardyń úı-jaılaryna (temirjolda jáne avtovokzaldarda, áýejaılarda, aıaldamalarda, qoǵamdyq kólikte) kúndelikti profılaktıkalyq dezınfeksıa júrgiziledi;
• "Sary/qyzyl" mártebesi bar demalýshylar obektilerge jiberilmeıdi jáne týrısik-rekreasıalyq aımaqtarǵa kelýine tyıym salynady.

Qaýly 2021 jyldyń 15 maýsymy saǵat 00:00-den bastap kúshine enedi jáne onyń resmı kúshi joıylǵanǵa deıin qoldanylady.