Almaty qalasy Alataý aýdanynda polıseı qyzmettik kóligimen qaǵyp mert qylǵan áıel týraly qosymsha derek shyqty. Oqıǵa keshe tańǵy 7-ler shamasynda bolǵan. Kólik kelinshekti 5 metr jerge deıin ushyryp jibergen.  

Astana arnasynyń habarlaýynsha, áıel 50 jasta bolǵan. Artynda eki balasy qaldy.

Kelinshek kólik jýý ortalyǵynda jumys istegen. Ol túńgi aýysymda bolyp, aýysymyn tapsyrǵan soń mektep bitirip atestat alyp jatqan kenje ulyn quttyqtaýǵa barmaqshy bolǵan.

– Júzben kele jatqan ǵoı, 5 metrge ushyryp jibergen. Ózińiz oılańyz na smert ketken. Bastan dym joq. Sotrýdnıktar v lúbom slýchae ózderin qazir saý dep aıtyp otyr. Jazasyn alady, alý kerek, – deıdi marqum kelinshektiń qaıyn apasy Súńgilshash Aıtýǵanova.

Almaty qalasy Patrúldik polısıa polki komandıriniń orynbasary Jánibek Óskenbaev oqys oqıǵaǵa tap bolǵan otbasyǵa barlyq jaǵynan kómek kórsetiletinin málim etti.

Adam qaǵyp óltirgen polıseı 5 jylǵa sottalýy múmkin.