Almatyda mal urlyǵy tyıylmaı turǵanyn aıtqan bir top adam prezıdent Q.Toqaevqa, prezıdent ákimshiligine, bas prokýratýraǵa, ishki ister mınıstrligine úndeý joldap kómek surady. 

Ózderin Medeý aýdanyndaǵy Sulýsaı, Keńsaı sekildi taý bókterindegi yqshamaýdan turǵyndary retinde tanystyrǵan bir top er azamat múıizdi iri qarany qoldy qylý áreketterimen únemi ushyrasyp otyrǵanyn, jaǵdaıdyń ýshyqqany sonshalyq, urlyqshylar ár úıdiń qorasynan 4-5, keıde tipti 10 basqa deıin alyp ketetinin aıtady. Eń soraqysy olardyń bári jaýapsyz, jazasyz sytylyp ketip jatqanyna nalıdy.

Aryzdanýshy azamattar birneshe naqty jaǵdaıdy keltirip,Medeý aýdandyq polısıa bóliminine júginý esh nátıje bermegenin, adamdar polısıaǵa senbeıtindikten, shaǵymdanýdan qalǵanyn jetkizedi.

Sózderinshe, jazalanbaıtynyna dandaısyǵan qylmyskerler tapa-tal túste urlyq isterin júzege asyryp, tóldegeli turǵan maldyń qarnyn aqtaryp, adamgershilikke syımaıtyn kópe-kórneý áreketterge baratyn bolǵan.

Kómek surap barar jer, basar taýymyz qalmady degen olar prezıdent Q.Toqaevqa «bizdiń sizden basqa qorǵanymyz joq» dep úndeý jarıalady.

 

 

 

Posmotret etý pýblıkasıý v Instagram

 

 

 

Pýblıkasıa ot Beka (@baymakulov67)