Densaýlyq saqtaý mınıstri Alekseı Soı "kúzge deıin 10 mıllıon adamǵa vaksına salý mindeti oryndalmasa, otstavkaǵa ketýge daıynsyz ba" degen suraqqa jaýap berdi.

– Kez kelgen úkimet múshesiniń kez kelgen máselesi memleket basshysyna baılanysty. Sol sebepti bizdiń jumysymyzǵa qandaı baǵa berilse, sondaı sheshim qabyldanady. Vaksınalaý josparynyń oryndalýy ár qazaqstandyqqa baılanysty. Vaksınasıa – erikti. Bul oraıda biz eshkimdi de májbúrleı almaımyz. Tek túsindirý jumystaryn, tek aqparattyq qoldaý ǵana júrgizemiz, – dedi Soı.

Buǵan deıin mınıstr qyrkúıekke deıin 10 mln adamdy vaksınalaý josparlanyp otyrǵanyn aıtqan. Búginde elde vaksınanyń birinshi komponentin 2 587 884 adam alsa, ekinshi komponentin 1 480 309 adam alǵan.