Edil Jańbyrshın bastaǵan bir top nurotandyq depýtattar ózenderdiń tartylýy, jaýyn-shashynnyń normadan az túsýi Atyraý, Aqtóbe, Qyzylorda, Mańǵystaý jáne Túrkistan oblystarynyń halqyna qıyn týyp jatqanyn aıtyp, úkimetti shuǵyl shara qabyldaýǵa shaqyrdy.

– Ásirese, Mańǵystaý men Qyzylorda oblystarynda ata-babamyzdan qalǵan asyl muranyń biri – tórt túlik maldy ustap otyrǵan sharýashylyqtar men turǵyndar asa aýyr jaǵdaıda. Elde oryn alǵan sý tapshylyǵy men qýańshylyq jaılymdyq jerlerdiń jaǵdaıyn ketirdi. Osy jaǵdaı tıisinshe maldyń shyǵynyna ákeldi. 2020 jyly Mańǵystaýda 4883 mal basynyń ólimi tirkelse, bıyl birinshi toqsan qortyndysy boıynsha 1332 bas mal ólgen. Bul málimet tek syrǵalanǵan, tirkelgen mal shyǵyny boıynsha ǵana, al, oblystaǵy maldyń 56% quraıtyn qalyń buqaranyń qansha maly qyrylǵany belgisiz. Mundaı jaǵdaı Qyzylorda oblysynda da tirkelip, 481 bas mal ólgen. Osyndaı jaǵdaı mal azyǵynyń baǵasyn eselep kóterip jiberdi. Mańǵystaýda bir túk shóptiń baǵasy 17 myń teńge bolsa, bir kg arpanyń baǵasy 95 teńgege jetti. Al kórshiles Aqtóbe oblysynda sol bir túk shóp 4 myń teńge turady. Baǵany kóterip otyrǵan jol shyǵyndary jáne osydan paıda kórip qalaıyn dep otyrǵan deldaldar, – degen depýtat osyndaı kúrdeli jaǵdaıda halyq birinshi kezekte parlamentke, úkimetke arqa súıeıtinin atap ótken.

Depýtat qalyptasqan jaǵdaıǵa baılanysty tómendegideı sharalar keshenin qolǵa alýdy usyndy.

1. Qalyptasqan jaǵdaılarǵa baılanysty jut jaılaǵan naqty aýdandar men aımaqtarda shuǵyl túrde jergilikti dárejedegi tótenshe jaǵdaı jarıalanyp, olarǵa tıisti búdjettik kózderden jáne materıaldyq qorlardan naqty kómekter kórsetilýi tıis;
2. Zardap shegip jatqan aýdandarǵa mal azyǵyn jetkizý úshin kórshi oblystardan tasymaldanatyn mal azyǵynyń jol shyǵyndaryn sýbsıdıalap, tıisti ákimshilik-basqarý sharalaryn iske asyrý qajet;
3. Qýańshylyqtan qıyndyq kórip otyrǵan óńirlerge basqa oblystardan tez arada mal jaıýǵa jáne mal azyǵyn daıyndaýǵa jer telimderi ýaqytsha paıdalanýǵa berilsin.
4. Mundaı jaǵdaı aldaǵy ýaqytta oryn alý yqtımaldyǵyn eskerip, atqarýshy bılik óz tarapynan mal sharýashylyǵymen aınalysatyn tulǵalarǵa jedel kómek kórsetý, saqtandyrý, aımaq aralyq qatynastardy júıeleýdiń naqty, keshendi mehanızmderi men algorıtmderin jasaqtaýy tıis.

Premer-mınıstrdiń orynbasary Roman Sklárǵa joldanǵan depýtattyq saýalǵa E. Jańbyrshınnen bólek, A. Sarym, S. Mýsabaev, Ǵ. Amreev, S. Naqpaev, Q. Abbasov, D. Turǵanov sekildi depýtattardyń esi