Bir táýlikte elde 1148 adamnan koronavırýs tabylyp, 67 naýqastan pnevmonıa anyqtaldy. Koronavırýs juqtyrǵan 445 naýqastyń jaǵdaıy aýyr. 2 adam pnevmonıadan qaıtys boldy. Bul týraly densaýlyq saqtaý mınıstrligi habarlady.

Elde koronavırýs juqtyrǵandardyń jalpy resmı sany 407531 adamǵa jetse, 2020 jylǵy 1 tamyzdan bastap júrgizilip kele jatqan pnevmonıa statısıkasyna sáıkes, 56479 adamnan pnevmonıa anyqtalǵan.

19 maýsymdaǵy aqparat boıynsha 21 280 adam koronavırýs pen pnevmonıadan emdelip jatyr. Olardyń ishinde 6327 pasıent stasıonarda, 14 953 naýqas ambýlatorıalyq deńgeıde em qabyldaýda. İndetke shaldyqqandardyń arasynda 445 adamnyń jaǵdaıy aýyr, 103 pasıenttiń jaǵdaıy óte aýyr, 65 naýqas ÓJJ apparatynda jatyr.

2021 jylǵy 9 maýsymdaǵy málimet boıynsha, Qazaqstanda koronavırýsqa qarsy vaksınanyń I komponentin 2 719 987 adam, II komponentin 1 625 866 adam saldyrǵan.