Osydan bir jyl buryn 18 qyrkúıek kúni Almaty qalasynyń Ádilet departamenti Álem halyqtary jazýshylary odaǵyna arnaıy tirkelgendigin aıǵaqtaıtyn Anyqtama berip, aıtýly Odaqtyń álem halyqtary arasynda ózindik úlken bir abyroıly birlestikke aınalatynyna senim bildirip edi. Mine, kózdi ashyp-jumǵansha bir jyl óte shyǵypty. Qurylǵanyna bir jyl bolǵan Birlestik búginge sheıin ne tyndyra aldy degen saýal tek kópshilikti ǵana emes, meni de tolǵandyryp otyr, Odaǵymyzdyń árbir múshesiniń de osyndaı oıda ekenin baǵamdaımyn. Bir jyl kóleminde, bireýler úshin usaq sharýa bolyp kóringenimen, biz úshin aıtýǵa turarlyqtaı is sharalar jasalypty. Birinshiden, Odaǵymyzdyń qanaty keńge jaıylyp, Reseı Federasıasy, Qytaı halyq respýblıkasy, Amerıka qurama shtattary, Túrkıa, Ózbekstan, Qyrǵyz Respýblıkasy jáne Tájikstan memleketterinen ókildikter ashyldy.

Ekinshiden, ótken 16 maýsymda tusaýkeserimizdi ótkizip, elge tanymal, dana, aqsaqal qarıalarymyzdyń aq batasyn aldyq. Úshinshiden, bir jyl ishinde ÁHJO músheleri 70 qalamgerge jetti. Tórtinshiden, ÁHJO múshelerin halyqqa keńinen tanystyrý jáne nasıhattaý maqsatynda mektep oqýshylary arasynda Halyqaralyq onlaın kórkemsóz oqý baıqaýyn bir ret ótkizdik jáne kópshiliktiń suranysy boıynsha ony ekinshi ret ótkizýdi uıǵardyq. Jańa oqý jyly bastalǵaly beri Til merekesine baılanysty QJOB múshelerimen qosa ÁHJO múshelerin de arnaıy kezdesýlerge shaqyra bastady. Iaǵnı, qoǵamymyzǵa biz de kerek aqyn-jazýshy ekenimizdi erkin sezinýdemiz. Múmkindik bolyp qoldaýshylar tapsaq, jyldyń sońyna sheıin İ sezimizdi ótkizsek deımiz. Aıta ketetin qyzyqty jańalyq Odaǵymyzǵa múshelikke ótýge sheteldegi qalamgerler, onyń ishinde QHR-nyń qalamgerleri erekshe qyzyǵýshylyq tanytyp otyr.

Qaırat Dúısenov