Májilis tóraǵasy, «Nur Otan» partıasy fraksıasynyń jetekshisi Nurlan Nyǵmatýlın parlament májilisindegi «Nur Otan» partıasy fraksıasynyń jınalysyn ótkizdi.

Otyrysta depýtattardyń jazǵy kezeńde óńirlerge shyǵýy men «Nur Otan» partıasynyń 2025 jylǵa deıingi «Ózgerister joly: ár azamatqa laıyqty ómir!» atty saılaýaldy baǵdarlamasyn oryndaýdyń Jol kartasyn iske asyrý jaıy talqylandy.

Nurlan Nyǵmatýlın atap ótkendeı, Elbasy, partıa tóraǵasy Nursultan Nazarbaev árbir jekelegen óńirdiń problemalaryn sheshýmen júıeli túrde aınalysýdy, barlyq áleýmettik toptarmen keri baılanysty nyǵaıtýǵa, ózekti máselelerge jyldam kóńil bólip, sheshý joldaryn usyný týraly naqty tapsyrma bergen bolatyn.

Onyń oryndalýyn qamtamasyz etý úshin depýtattar árbir óńirler boıynsha bekitilip, úılestirýshi toptar quryldy.

Sonymen qatar, májilis tóraǵasy aımaqtarǵa sapar barysynda qalalar men aýdandar, halyqtyń barlyq áleýmettik toptardy, shalǵaıdaǵy eldi mekenderdiń barynsha qamtylýy qajettigine toqtaldy.

Sondaı-aq palata spıkeri partıanyń «Jol kartasy» baǵdarlamasynyń muqıat oryndalýyna nazar aýdaryp, oryndalý barysynda kúrdelilik týdyrǵan máselelerdi depýtattyq saýaldar men partıanyń qoǵamdyq keńesteriniń otyrystarynda jáne Palata komıtetteriniń is-sharalarynda kóterýdi tapsyrdy.

Májilistiń baspasóz qyzmeti