Saıabaqta haskı tuqymdas ıtimen serýendep júrgen elordalyq turǵyn Alına Nurtas áleýmettik jelidegi paraqshasynda  halyq qaharmany, ǵaryshker Talǵat Musabaevtyń ózine qol kótergenin aıtty. 

– Saıabaqta qysqa qarǵybaýmen baılanǵan ıtimmen birge serýendep júrgenmin. Ittiń tumyldyryǵyn da ala shyqtym (zań boıynsha haskı ıtine tumyldyryq kıgizip júrý shart emes) Qajetti qaltalar da bar (ıtten qalǵan tezekti salatyn). Osylaı serýendep kele jatsam, belgisiz bir adamnyń maǵan aıqaılaǵanyn estidim. Ári qaraı júre berdim, biraq ol belgisiz adam jaqyndap kelip, taǵy aıqaılady. "Idı v zad" dedim (árıne, "Alına, óziń aıyptysyń!" dersiz. Biraq men aıypty emespin. Negizsiz agresıa kórsetilgen sátte menen shyqqan reaksıa osy boldy. Ári qaraı júre berdim. Ol adam burylyp, meniń ıyǵymnan bir urdy (judyryǵymen). Qolym uıyp barady. Polısıa shaqyrdym. Árıne bir nárseni dáleldeý múmkin emes. Sebebi ol Talǵat Musabaev, – dep jazdy Alına Nurtas.

Boıjetken Instagram paraqshasynda stories arqyly oqıǵanyń mán-jaıyn sıpattady. Aıtýynsha, polısıa bastapqyda isti qarap, ári qaraı shaǵym túspes úshin máseleni jaba salǵan. 

– Men ne aıta alamyn?! Endi Qazaqstanda kóshege shyǵýǵa qorqamyn. Bul elde qaýipsizdik joq, zań da meniń jaǵymda emes. Zań  kúshi men bıligi bar adamdardyń jaǵynda. Qazaqstan keshir meni, biraq meniń ákem prezıdent emes. Sondyqtan men ár adamnyń quqyǵy zańmen qorǵalǵan jaqqa ketemin. Oǵan deıin dalaǵa shyǵý úshin qorqynyshpen únsiz ǵana júrýge májbúrmin. 

Talǵat Musabaev meni ıtimmen serýendep júrgenim úshin urdy. Birinshiden, sotta, zań salasynda bári tek tanys arqyly sheshiledi. Kóshede bireý seni soǵyp ketse de, jol apaty bolyp, tanymal adam men qarapaıym júrgizýshi soqtyǵyssa, aıypsyz ekenińdi dáleldeı almaısyń.

Ekinshiden meniń ákem ıtpen serýendeýge shyqsa, oǵan eshkim narazylyq aıtpaıdy, tıispeıdi. Sebebi ol er adam, sondaı-aq onyń organda 20 jyl istegeni mańdaıynda jazylyp turady. Al men qyz balamyn, boıymnyń uzyndyǵy bar bolǵany 165 sm. Iaǵnı álsizbin. Aıqaılaýǵa, qorqytýǵa tipti, urýǵa bolady, – dedi Alına.

 

 

 

Posmotret etý pýblıkasıý v Instagram

 

 

 

Pýblıkasıa ot Alina Nurtas (@alinanurtas)