Almaty ákimi Baqytjan Saǵyntaev ortalyq komýnıkasıalar qyzmetinde ótken brıfıńte qalanyń epıdemıologıalyq jaǵdaıyn aıtty. 

– 23 kúngi repordýktıvtik ólshem 1,12-ge jetip otyr. Aıdyń basynda bul kórsetkish 1-den tómen bolatyn. Mamyr aıynda bizde 9939 naýqas tirkelse, búginde 3346 boldy. Kúndelikti ózgeris kóbeıip kele jatyr. Osyǵan baılanysty qaıtadan ınfeksıalyq jaǵdaıǵa jyldam kóshý úshin qaladaǵy 3 kópsalaly aýrýhanany koronavırýske baılanysty ınfeksıalyq aýrýhanaǵa aýystyrýǵa jumys júrgizýdi bastadyq, – dedi shahar basshysy.

Baqytjan Saǵyntaev qalanyń "qyzyl" aımaqqa ótý qaýpi baryn atap ótti.

– Josparly túrde qabyldanatyn naýqastardy qabyldaý qazir toqtatyldy. Bir apta boıynda baqylaımyz. Eger osylaı jalǵasa beretin bolsa, onda bizdiń jobamyz boıynsha qazir "sary" aımaqta tursaq, "qyzyl" aımaqqa ótý qaýpimiz bar. "Úndi shtamm" soǵan alyp kele jatyr, – dedi Saǵyntaev.