Senator, ǵaryshker Talǵat Musabaev elordalyq boıjetkenge shabýyl jasalǵandyǵy týraly aqparatqa túsinikteme berdi.

– Oqıǵa ornyna İİM eki qyzmetkeri kelgende túsinikteme berdik. Aryzdanýshy da túsinik berdi. Men oǵan qatysty eshqandaı zańǵa qaıshy is-áreketter jasaǵan joqpyn. Kúsh qoldaný týraly tipti sóz bolýy múmkin emes. Sol jerde qyzdyń ózi qolyn berip, keshirim surady. Meniń ony urǵanym týraly aıyby múlde negizsiz dep sanaımyn, – dedi Musabaev.

Nur-Sultan qalasy polısıa departamentiniń habarlaýynsha, 24 maýsymda Momyshuly kóshesindegi Trıatlon parkinde er adam boıjetkendi urǵany týraly qońyraý túsken. Oqıǵa ornyna avtopatrýl jiberilip, Musabaev pen boıjetken arasyndaǵy janjal ıt aýzynda baý bolmaǵandyqtan týyndaǵany anyqtalǵan.

Qazirgi tańda tergeý jumystary júrgizilip jatyr.

Eske sala keteıik, saıabaqta haskı tuqymdas ıtimen serýendep júrgen elordalyq turǵyn Alına Nurtas áleýmettik jelidegi paraqshasynda halyq qaharmany, ǵaryshker Talǵat Musabaevtyń ózine qol kótergenin jazyp, shaǵymdanǵan.