Tuńǵysh prezıdent Nursultan Nazarbaev Qaraǵandy farmasevtıkalyq zaýytynda shyǵarylǵan "Spýtnık V" vaksınasynyń birinshi komponentin saldardy. Bul týraly  Elbasy.kz saıty habarlady.

Vaksınasıadan keıin Nazarbaev qazaqstandyqtardy sanıtarlyq-epıdemıologıalyq qaýipsizdik talaptaryn saqtaýǵa jáne belsendi túrde ekpe saldyrýǵa shaqyrdy.

– Qazirgi tańda Qazaqstanda 3 mıllıonǵa jýyq adam vaksına saldyrdy. Búgin men de koronavırýsqa qarsy vaksına aldym. Barsha qazaqstandyqtardy belsendi túrde vaksınasıa jasatýǵa, odan qoryqpaýǵa shaqyramyn. Ásirese qazir vırýstyń jańa shtamy paıda bolǵan kezde vaksına salǵyzýdyń mańyzy erekshe. Bul óz densaýlyǵymyz úshin kerek. Biz kúrdeli ýaqytta ómir súrip jatyrmyz. Osy qıyndyqty birlesip eńserýge tıispiz. Barshańyzǵa shyn júrekten myqty densaýlyq pen baq-bereke tileımin, – dedi Nursultan Nazarbaev.