Nur-Sultan qalasynda kóp balaly otbasylar úshin satyp alý quqyǵynsyz jalǵa beriletin turǵyn úıge qujattar qabyldaý bastalady. Bul týraly elordanyń turǵyn úı ortalyǵy habarlady.

"Bul baǵdarlamaǵa "Kóp balaly otbasylar" sanaty boıynsha turǵyn úıge kezekte turǵan kóp balaly otbasylar (tek ataýly sanat) qatysa alady" delingen habarlamada.

Páterlerdiń jalpy sany – 285.

Ekibólmeli páterler, aýdany – 53,4-57,7 sharshy metr aralyǵynda.

Ornalasqan jeri: Qordaı kóshesi, 79 ,79a jáne Abylaı han, 56, 56a kóshesi;

Qabyldaý kúni: 27 maýsym saǵat 00:00-den 2021 jylǵy 27 shilde saǵat 23:59-ge deıin;

Qujattardy qabyldaý tek elektrondyq túrde kórsetilgen kezeńde qatysu.zhilfond.kz portaly arqyly júzege asyrylady;

"Sharttary: Nur-Sultan qalasynda "Kóp balaly otbasy" sanaty boıynsha turǵyn úıge kezekte turý.

Ótinish bergender irikteý qoıý kúni men otbasy quramy boıynsha qujat tapsyrǵandar arasynda ótedi.

Qatysýǵa ótinishterdi barlyq jyldardaǵy (2006-2021) kezekte turǵandar bere alady, alaıda qatysýǵa ótinish bergen kezekte turǵandar arasynan aldymen kezekke erte turǵandar ótedi. Biz qandaı jyldar ótetinin aldyn-ala bilmeımiz, óıtkeni nátıjeler kezekte turǵandardyń qaı jyldary ótinish beretinine baılanysty, al muny boljaý múmkin emes" delingen habarlamada.

Ótinish berý úshin:

1) ESQ kilti;

2) Otbasynyń barlyq múshelerine QR boıynsha jyljymaıtyn múliktiń bolmaýy nemese bolýy týraly anyqtamanyń skanerlengen nusqasy;

3) Balalardyń týý týraly kýálikteriniń/otbasy músheleriniń jeke kýáligi (bolǵan jaǵdaıda) skanerlengen nusqasy;

4) Neke qıý /nekeni buzý/áke bolýdy anyqtaý týraly kýáliktiń /№4 nysan /qaıtys bolý týraly kýáliktiń (bolǵan jaǵdaıda) skanerlengen nusqasy;

5) Jyljymaıtyn múliktiń quqyq belgileıtin qujattarynyń (bolǵan jaǵdaıda) skanerlengen nusqasy;

6) Múgedektik týraly anyqtamanyń (bolǵan jaǵdaıda) skanerlengen nusqasy;

7) Sozylmaly aýrýdyń tolyq ataýy, jeke bólmege muqtajdyǵy jáne belgili bir qabaty kórsetilgen sozylmaly aýrýdyń medısınalyq qorytyndysynyń (bolǵan jaǵdaıda) skanerlengen nusqasy.

Ótinishterdi qarastyrý nátıjeleri týraly zhilfond.kz jáne zhil-astana.kz saıttarynda jáne turǵyn úı ortalyǵynyń áleýmettik jelilerinde jarıalanady.