Muǵalimderdiń sıfrlyq quzyrettiliginiń deńgeıi tómen. Arnaıy júrgizilgen zertteý 11,6 paıyz, jalpy bazalyq deńgeı 77 paıyzdy kórsetken.

– Osy jaz aıynda muǵalimderdiń sıfrlyq quzyrettiligin artyrý boıynsha keste quryp, tegin ótetin kýrstardy uıymdastyrý qajet. Sabaqtardyń barlyǵy jyl boıyna qashyqtan ótkizildi, qanshama kýrstar boldy. Sonyń ózinde muǵalimderdiń deńgeıi óte tómen, – dedi mınıstr.   

Aımaǵambetov ustazdardyń  biliktiligin arttyrý maqsatynda eki baǵytty qarastyryp otyrǵanyn atap ótti.

– Birinshisi – sıfrlyq, ekinshisi – pándik. Bul sabaqtar "Órleý", muǵalimderdiń biliktiligin arttyrý ortalyqtarynda, "A" sınhrondy formatta aqysyz ótkiziledi. Kýrsty aıaqtaǵan ár pedagog bazaǵa enip, sertıfıkat alady. Bul jumystardy 1 qyrkúıekke deıin aıaqtaý qajet, – dedi bilim jáne ǵylym mınıstri Asqat Aımaǵambetova úkimet otyrysynda.

Sonymen qatar mınıstr joǵary oqý oryndaryndaǵy arnaıy fakúltetter tómen deńgeıde jumys istep jatqanyn da jetkizdi. Ol fakúltetten sabaq ótetin muǵalimderiniń biliktiligin kóterý qajetigin atap ótti.