Májilis tóraǵasy Nurlan Nyǵmatýlın VII shaqyrylymnyń I sesıa jumysyn qorytyndylaı otyryp, depýtattyq korpýs elbasynyń strategıalyq bastamalaryn, memleket basshysynyń saıası reformalaryn zań jaǵynan qamtamasyz etkenin atap ótti, dep habarlady májilistiń baspasóz qyzmeti.

Nurlan Nyǵmatýlın qos palata qaraýynda qoǵam ómiriniń ózekti máselelerine qatysty 100-den asa zań jobalary bolǵanyn aıtty. Búginde olardyń 63-i qabyldanyp, 58-ne prezıdent qol qoıdy.

Sonymen qatar, sesıa barysynda depýtattar bastamasymen 24 zań jobalary ázirlenip, olardyń 15-i qabyldandy.

Osy ýaqyt aralyǵynda májilis depýtattary memlekettik organdarǵa 200-den, senat depýtattary 40-tan asa depýtattyq saýal joldadyú

– Osy sesıada ýaqyt talabyna saı jasalǵan jedel jáne naqty qadamdardyń arqasynda biz elbasymyzdyń jáne prezıdentimizdiń alǵa qoıǵan mindetterin sapaly zańdarmen qamtamasyz ettik. Ol zańdar eń aldymen, árbir azamatty áleýmettik jaǵynan qorǵaýǵa, azamattardyń ózekti problemalaryn sheshýge, ómir sapasyn arttyrýǵa yqpal etti. Sonymen birge, tıimdi zańdardyń arqasynda elimizde saıası, ekonomıkalyq reformalardy odan ári jalǵastyrýǵa zań jaǵynan naqty qadam jasaldy. Sondyqtan, jetinshi shaqyrylǵan parlamenttiń alǵashqy sesıasynda qol jetken tabystar jáne nátıjeler táýelsizdiktiń 30 jyldyǵyna qosylǵan zor úles dep bilemiz, – dedi N.Nyǵmatýlın.

Aıta ketý kerek, sesıa aıaqtalǵanymen depýtattar óńirlerge, shalǵaıdaǵy aýyldyq jerlerge baryp saılaýshylarmen kezdesedi.