Túrkistan oblysynyń Bas sanıtar dárigeri Nurbek Nyshanov óńirdegi karantın men shekteý sharalaryn qatańdatý týraly jańa qaýly jarıalady.

Qujatqa sáıkes:

• Buqaralyq, otbasylyq jáne kópshilik jınalatyn oryndar men úı aýmaǵynda ótkiziletin is-sharalarǵa tyıym salynady;
• Qoǵamdyq oryndarǵa jáne qyzmetine ruqsat etilgen nysandarǵa barǵanda maska taǵý, áleýmettik araqashyqtyq saqtaý jáne antıseptık paıdalaný talap etiledi;
• Oıyn-saýyq nysandary, túngi oıyn klýbtary, karaoke, býkmekerlik keńseler, jabyq ǵımarattaǵy balalar alańdary, batýt pen atraksıondar qyzmetine tyıym salynady;
• "Ashyq" jobasyna qatyspaǵan nysandar: mádenıet nysandary, teatrlar, kınoteatrlar, konsert zaldary, fılarmonıalar, oblysaralyq turaqty emes tasymaldar (týrısik), bılárd, kompúterlik klýbtar, boýlıń, sırk, banket zaldarynyń qyzmetine tyıym salynady;
• 65 jastan asqan adamdardyń aýdan, kalalarda qajettilik týyndamaǵan jaǵdaıda júrýi shekteledi;
• qalalyq jáne qoǵamdyq kólik jumysy saǵat 06:00-den 23:00-ge deıin ruqsat etiledi.