Almaty qalasy polısıa departamenti ınternet-alaıaqtar jıi qoldanatyn is-áreketter tizbegin atap, turǵyndarǵa eskertý jasady.
– Joq taýardy (naryqta tanymal brendterdiń uıaly telefondary, avtokólikter, jabdyqtar jáne t.b.) áleýmettik jelide jáne OLX.KZ, Market.kz, Krisha.kz, Kolesa.kz sekildi qosymshalarda tómen baǵamen satý tásili. Klıent ónimdi tańdap, elektrondyq ámıanǵa aldyn-ala tólem jasaǵan soń satýshy ony barlyq áleýmettik jelilerde buǵattaıdy.
– Ózderin bankterdiń qaýipsizdik qyzmetinen dep tanystyryp, qońyraý shalady. Kartochkada kúdikti tranzaksıa júrip jatqanyn jáne qarajatty "saqtandyrý shotyna" aýdarý kerek ekenin aıtady, nemese abonenttik nómirge kelgen kodty jazyp jiberýdi suraıdy.
- Satýǵa qoıylǵan taýardyń satyp alýshysy bolyp qońyraý shalady. Taýardy alýǵa daıyn ekenin, biraq qazir qalada emestigin jetkizedi. Artynsha satyp alýshynyń esepshisi baılanysyp, aqsha aýdarymyn júzege asyrý úshin CVV kody bar bank kartasynyń tolyq málimetterin nemese telefonǵa kelgen kodty jazýdy suraıdy.
- Páter men kotejdi naryqtyq baǵadan tómen baǵamen jalǵa berýshi túrindegi alaıaqtar. Olar kartochkaǵa nemese "Qiwi" ámıanǵa kepildik retinde aldyn ala salym aýdarýdy suraı otyryp, jymysqy áreketin júzege asyrady.
- "Kolesa.kz" saıty arqyly joq kólikti satý, munda da kartaǵa nemese "Qiwi" ámıanǵa aqsha aýdarý arqyly aldyn-ala salym salýdy suraıdy.
- Áleýmettik jelilerde, atap aıtqanda, "Instagram"-da aqshany "aınaldyrýdy" usynatyn akkaýnttar bar. Olar qysqa merzimde úlken dıvıdendter ýáde etedi, mysaly, 30 000 teńge salynsa, olar 5 saǵat ishinde 300 000 teńge qylyp qaıtaryp berýge ýáde beredi.
- Sheteldik ınvestısıalyq baǵdarlamalardyń (QuestraWorld, AssetWorldManagement jáne t.b.) qyzmetkerleri ártúrli elderdiń ártúrli abonenttik nómirlerinen qońyraý shalyp, adamdardy eń tıimdi baǵdarlama bar ekenine sendirýge tyrysyp, salyp salýǵa úgitteıdi. Shotty buǵattan bosatý úshin nemese komısıa tólemine qosymsha qarajat suraýy múmkin, ony tólegennen keıin aqshany úlken dıvıdendtermen qaıtarýǵa ýáde beredi.
Polısıa departamenti mundaı kúmándi jobalar alaıaqtardyń aram oıny ekenin eskertip, eshqashan aqsha salmaýǵa shaqyrady.
Pikir qaldyrý