– Bul týraly ne úshin aıtady... Bul halyqqa jaqsy ma, álde jaman ba, ol týraly ne úshin eshkim eshnárse demeıdi? Eger másele eldiń turaqty damýymen, abyroıyn kóterýmen baılanysty bolsa, nelikten aıtpasqa? Ne sebepti árbir memleketke ózindik stılin, óz júıesin qalyptastyrýǵa bolmaıdy? Men úshin halqymnyń aıtqany mańyzdy. Men laýazymymdy bedelim tasyp turǵan kezde bosattym. 2015 jyly saılaýda men 95% daýysqa ıe boldym. Árıne, qazirgi ýaqyt úshin bul sandar óte joǵary, adam sengisiz. Biraq olar meni ómir boıy prezıdent retinde qaldyrǵysy keldi. Biraq men onymen kelispedim, –deıdi Nazarbaev. 

Aıtýynsha, Nazarbaevqa "ómir boıy bılik et" degender bolǵan. 

– Men múldem bılikten alystap ketkim keldi. Biraq maǵan ómir boıyna qalyńyz dedi. Men olarǵa "joq men qalmaımyn, saılaý ótkizeıik, Qaýipsizdik keńesi men saıası partıada bolamyn" dep aıttym. Osylaı kelistik. Konstıtýsıalyq zań qabyldadyq. Bizdiń parlament, bizdiń konstıtýsıa, bizdiń zańdar boıynsha meniń statýsym anyqtalady. Memleketti qazirgi prezıdent basqarady, men aralaspaımyn. Men oǵan kedergi bolmaımyn. Kerisinshe, qajet bolǵan jaǵdaıda oǵan aqyl-keńesimdi aıtyp otyramyn. Bılik prezıdenttiń qolynda. Onyń quzyreti konstıtýsıada jazylǵan», – dedi Elbasy. 

Qazaqstannyń tuńǵysh prezıdenti Nursultan Nazarbaev eldi 30 jylǵa jýyq basqaryp, 2019 jylǵy 19 naýryzda óz erkimen ókilettigin toqtatqan. Degenmen ol úlken sáásattan tolyq ketken joq. N.Nazarbaev búginde Qazaqstan Respýblıkasynyń Qaýipsizdik keńesine, "Nur Otan" partıasyna, "Samuryq-Qazyna" ulttyq ál-aýqat qoryn basqarý jónindegi keńeske, Nazarbaev ýnıversıteti, zıatkerlik mektebi jáne qordyń Joǵary qamqorshylyq keńesine tóraǵalyq etedi.