Qazaqstanda turaqty turatyn jeke tulǵalar ınfeksıalyq jáne parazıttik aýrýlarǵa qarsy ekpelerdi alýǵa mindetti, olardyń qataryna KVI-ǵa qarsy profılaktıkalyq ekpe de jatady. Bul týraly ádilet mınıstrligi málimdedi.
Mınıstrlik habarlaýynsha, ınfeksıalyq jáne parazıttik aýrýlardyń paıda bolýy men taralýynyń aldyn alý maqsatynda, densaýlyq týraly kodekste kózdelgen sanıtarıalyq-epıdemıaǵa qarsy is-sharalardyń biri profılaktıkalyq ekpeler. Oǵan koronavırýska qarsy vaksınasıa jatady. Bul úkimettiń 2020 jylǵy 24 qyrkúıektegi № 612 qaýlysyna sáıkes, kodekstiń 85-baby 4 jáne 8-tarmaqtarynda kórsetilgen.
"Medısınalyq qarsy kórsetilimderi joq adamdar úshin KVI-ǵa qarsy mindetti vaksınasıalaýdyń quqyqtyq negizderi bar jáne bul "Memleket adamnyń ómir súrýi men densaýlyǵyna qolaıly aınaladaǵy ortany qorǵaýdy maqsat etip qoıady" degen konstıtýsıalyq normaǵa sáıkes keledi (Konstıtýsıanyń 31-baby). Adamnyń jáne azamattyń quqyqtary men bostandyqtaryna kepildik bere otyryp, konstıtýsıasy mundaı shekteýdiń jol beriletin shekterin belgileı otyryp, olardy shekteý múmkindigin joqqa shyǵarmaıdy. Adamnyń quqyqtary men bostandyqtaryn jáne halyqtyń densaýlyǵyn qorǵaý maqsatynda ǵana quqyqtar men bostandyqtar shektelýi múmkin (Konstıtýsıanyń 39-babynyń 1-tarmaǵy)" delingen habarlamada.
Pikir qaldyrý