Aqtóbede osydan órt aı buryn 9-synyptyń tórt oqýshysy 7 jasar balaǵa qysym kórsetip, mektep ishindegi dárethanada zorlaǵan. Bul týraly Eýrazıa arnasyna zábir kórgen balanyń ájesi habarlaǵan.

Jábirlenýshi tarap tergeý durys júrgizilgenine kúmándanyp, balasyn qorlaǵandar jazadan sytylyp kete me dep alańdaıdy.

– "Týalette qolymdy burady, qulaǵymdy burady, tepti, basymnan ıterip qulatty, urdy" dedi. Úıge kelip balamdy sýǵa túsireıin desem, denesin ustatpaıdy, esh jerin jýǵyzbaıdy. "Joq, joq, bolno" dep. Sodan saǵan ne istedi desem sol kezde "maǵan sondaı áreket jasady" dep aıtty. "Mekteptiń týaletinde tórt bala tıisti, bireýi ohranada turdy" deıdi, – oqýshynyń ájesi.

Jeti jastaǵy oqýshy "qorqam, apaı kútip alsyn" dep mektepke barǵysy kelmeıtinin anasyna da aıtqan.  Biraq, anasy ony balalyǵy bolar dep mán bermegen. Ájesi mekteptegi ustazdary, dırektor keshigip kelgen baladan nege mán-jaıdy anyqtamaǵan dep otyr. Aıtýynsha, dál sol kúni barlyq beınekamera istep turǵanda, dárethanaǵa kire-beristegisi isten shyǵyp qalǵan.

– Imenno "zachınshık" bala uıymdastyryp, "my takoı plan stroılı, tebá po-tıhonký prankanem, tvoıa mama ne ýznaet, eto vse normalno, da eto ne strashno" dep, sóıtip balamdy uryp-soǵyp, zorlaǵan ımenno sol qyzyl kýrtkadaǵy bala qazir bostandyqta júr. Bul bala eki aı boıy tergelgen joq. Endi baryp tergeýshiden surasam, bul bala ákesimen basqa jaqqa ketip qaldy, endi kelgesin tergeledi deıdi. Ol qashan keledi?, – jábirlenýshiniń ájesi.

Oblystyq polısıa departamenti №3 qalalyq polısıa bólimi basshysynyń orynbasary Rafael Januzaqov atalǵan derek boıynsha jas balaǵa qatysty nápsiqumarlyq sıpattaǵy kúsh qoldaný faktisi boıynsha qylmystyq is qozǵalǵan. Barlyq tergeý áreketteri aıaqtalǵan soń, sonymen qatar saraptama qorytyndysy alynǵannan keıin qylmystyq is boıynsha túpkilikti prosesýaldyq sheshim qabyldanady..

Bolǵan jaıttan keıin balanyń psıhıkasy buzylǵan. Bala 2 aı psıholog baqylaýynda bolyp, 1 apta aýrýhanada jatyp shyqqan. Dárigerler onyń densaýlyǵynda kinárat bar ekenin aıtqan. Áli dári-dármek iship júr. Nemeremniń balalyq shaǵyn urlady dep jylaǵan ana Prezıdentten arasha suraıdy! Tergeýshini Elordadan jiberip, isti tikeleı baqylaýyna alsa deıdi.