AQSH-tyń burynǵy prezıdenti Donald Tramp 6 qańtarda ótken kongrestegi reıdten keıin Facebook, Twitter jáne YouTube-ti ózine senzýraǵa qoıǵany úshin sotqa beretinin málimdedi.

Nú-Djersıdegi gólf klýbynda osy iske qatysty málimdeme jasaǵan Tramp, sot isinde jalǵyz talapker bolatynyn, al úsh kompanıa ujymdyq jaýap berýshi bolatynyn málimdedi.

– Men búgin erkindigimiz ben sóz bostandyǵymyz úshin óte mańyzdy habar taratý úshin keldim. Amerıkalyq saıasat ınstıtýty men bas dırektorlarǵa, sondaı-aq Facebook, Google jáne Twitter sıaqty iri tehnologıalyq alpaýyttarǵa qarsy shaǵymdanýshy retinde iri sot isin júrgizip jatyrmyn, – dedi Tramp.

Ol sot isi Florıda shtatynyń Ońtústik okrýginde júrgiziletinin jáne áleýmettik medıa kompanıalary resmı túrde jeke tulǵa bolǵanymen, sońǵy jyldary zań erejelerinen shyǵyp jeke bolýdan qalǵanyn atap ótti.

Tramp áleýmettik medıa kompanıalaryn "is júzinde AQSH ákimshiliginiń senzýra bólimi" dep atady.

Twitter, YouTube jáne Facebook 6 qańtarda Trampty kongrestegi is-sharalarǵa qatysy bar jáne 2020 jyly ótken prezıdent saılaýynda zań buzýshylyqtarǵa bardy dep aıyptap, Tramptyń óz platformalaryndaǵy paraqshalaryn buǵattaǵan.