Bilim jáne ǵylym mınıstrligi 2021-2022 oqý jylynda bakalavrıatqa túsý úshin 56 myńnan astam grant bólingenin habarlady.
Mınıstrlik málimetinshe, bıyl prezıdent tapsyrmasy boıynsha granttardyń jalpy sany 5000-ǵa artqan.
Bilim berý granttaryn taǵaıyndaý konkýrsyna qatysý úshin ótinishterdi qabyldaý 13 shildede bastalyp, 20 shildege deıin jalǵasady.
Bilim berý granttary eńbek jáne halyqty áleýmettik qorǵaý mınıstrliginiń derekterine jáne jumys berýshilerdiń suranysqa ı e mamandyqtary týraly aqparatyna sáıkes bólingen.
Granttardyń eń kóbi (17028) ınjenerlik, óńdeý jáne qurylys salalaryna bólingen.
Mamandyqtarǵa qaraı bólingen granttar sany:
- Pedagogıkalyq ǵylymdar – 9573 grant;
- Aqparattyq komýnıkasıalyq tehnologıalar – 7487;
- Jaratylystaný ǵylymdary – 4088;
- Aýyl sharýashylyǵy ǵylymdary – 1895 g .;
- Densaýlyq saqtaý salasy – 2700;
- Óner jáne gýmanıtarlyq ǵylymdar – 1615 g .;
- Bıznes, basqarý jáne quqyq – 1223;
- Áleýmettik ǵylymdar, jýrnalısıka jáne aqparat mamandyqtaryna 960 grant bólindi.
"Máńgilik el jastary – ındýstrıaǵa", "Serpin" baǵdarlamasy sheńberinde de granttar qarastyrylǵan.
Talapkerler qujattaryn aqparattyq júıe arqyly tapsyratyn bolady. Joǵary oqý oryndarynda vırtýaldy qabyldaý komısıalary jumys isteıdi. Mamandar ótken jyldaǵydaı beıne baılanys arqyly talapkerlerge keńes beredi.
Al magıstratýraǵa túsý úshin 13 myńnan astam grant bólindi. Magıstratýrada granttardyń kóp sany pedagogıkalyq mamandyqtarǵa qarastyrylǵan.
Mamandyqtarǵa qaraı bólingen granttar sany:
- Pedagogıkalyq mamandyqtar boıynsha – 3 642;
- Injenerlik, óńdeý jáne qurylys salalaryna – 3429;
- Jaratylystaný ǵylymdary, matematıka jáne statısıka baǵyty boıynsha – 1278;
- Aqparattyq-kommýnıkasıalyq tehnologıalar boıynsha – 1233;
- Aýyl sharýashylyǵy jáne bıoresýrstar boıynsha – 527 grant bólindi.
Magıstratýraǵa túsý úshin keshendi testileýden ótýge nıet bildirýshilerdi tirkeý 18 maýsymnan 15 shildege deıin jalǵasady. Emtıhan 20 shildede bastalady.
Doktorantýraǵa 1890 bilim berý granty bólindi.
- Injenerlik, óńdeý jáne qurylys salalary – 446;
- Pedagogıkalyq ǵylymdar – 370;
- Jaratylystaný ǵylymdary, matematıka jáne statısıka – 292;
- Óner jáne gýmanıtarlyq ǵylymdar – 205.
Doktorantýraǵa ótinish qabyldaý júrgizilip jatyr. Qabyldaý emtıhany alǵash ret testileý ortalyqtary bazasynda elektrondyq formatta ótedi.
