Almaty oblysy tótenshe jaǵdaılar departamenti Qarasaı aýdany Qyrǵaýyldy aýylynan joǵary ornalasqan "Gornyı sadovod" baý-baqsha qoǵamynda sý qubyrynyń jarylýy saldarynan balshyq qospasy kóshkenin týraly habarlama kelip tústi.
Júrgizilgen zerdeleý nátıjeleri barysynda dıametri 50 mm sý qubyrynan sý aǵýy saldarynan topyraq ylǵaldanyp, kóshkin paıda bolǵany anyqtalǵan.
Oqıǵa saldarynan 6 saıajaı úıi qıraǵan, olardyń 3-i qaraýsyz qalǵan, taǵy bir saıajaı jartylaı zardap shekken. Qaza bolǵandar men zardap shekkender joq.
"Shamamen balshyq massasynyń kólemi 50 myń tekshe metr, uzyndyǵy 200 metr, odan ári túsý shamamen 310 m, aldyn ala jalpy uzyndyǵy 510 m, túsý ornynan eni 50 metr jáne sońyna taman 7 m, bıiktigi 1-den 7 metrge deıin jetti.
Qazirgi ýaqytta aýmaqty tazartý jumystary júrgizilýde. Zardaptardy joıý jumystaryna Almaty oblysy TJD, Almaty qalasy TJD, QR TJM №28237 áskerı bólimi, QR TJM ASHQJ, "Qazseldenqorǵaý" MM, Almaty qalasy Apattar medısına ortalyǵy, Almaty oblysy polısıa departamenti jáne jedel medısınalyq járdem brıgadalary jumyldyryldy" delingen habarlamada.
Pikir qaldyrý