2021 jylǵy 10 shildeden bastap Reseı Federasıasynyń memlekettik shekarasyn kesip ótý úshin COVID-19 PTR synamasynyń bolýyn "Pýteshestvýıý bez COVID-19" baǵdarlamasy arqyly rastaý qajet bolady. Bul týraly COVID-19 taralýyna jol bermeý jónindegi vedomstvoaralyq komısıa málim etti.

Reseı Federasıasy bas sanıtarlyq dárigeriniń qaýlysyndaǵy ózgeriske sáıkes Eýrazıalyq ekonomıkalyq odaqqa múshe memleketterdiń azamattary (Armenıa Respýblıkasy, Belarýs Respýblıkasy, Qazaqstan Respýblıkasy, Qyrǵyz Respýblıkasy jáne Reseı Federasıasy) 2021 jylǵy 10 shildeden bastap Reseı Federasıasynyń Memlekettik shekarasyn kesip ótken kezde "Pýteshestvýıý bez COVID-19" mobıldik qosymshasyn qoldana otyryp, COVID-19 PTR testiniń teris nátıjesin (Reseı Federasıasyna kelgenge deıin 72 saǵattan aspaǵan) rastaýy qajet.

Ol úshin aldymen "Pýteshestvýıý bez COVID-19" qosymshany júkteý kerek. Sodan keıin ótinimde kórsetilgen tizimnen eń jaqyn zerthanany tańdaý kerek. Osydan keıin PTR synaǵynan ótip, nátıjesin alǵannan keıin QR kodyn skanerleý arqyly "Testter" bólimindegi qosymshaǵa júkteý kerek (kodty zerthana beredi). Shekaradan ótken kezde shekarashylarǵa osy kodty kórsetý qajet.