Densaýlyq saqtaý mınıstrligi elde bir táýlikte 2909 adamnan koronavırýs, 140 adamnan koronavırýs belgileri bar pnevmonıa anyqtalǵanyn habarlady.

Bir táýlikte 32 adam koronavırýstan, 5 adam pnevmonıadan qaıtys bolǵan.

Elde 2020 jylǵy 13 naýryz ben 2021 jylǵy 8 shilde aralyǵynda resmı túrde 448 myń adamnan koronavırýs tabylǵan. Osy aralyqta 57 630 naýqasta pnevmonıa rastalyp, 3481 adam qaıtys bolǵan.

9 shildedegi málimet boıynsha, 36 723 adam koronavırýs ınfeksıasynan emdelip jatyr. Olardyń ishinde 11 534 pasıent stasıonarda, 25 189 naýqas ambýlatorıalyq deńgeıde em qabyldaýda.

İndetke shaldyqqandar arasynda 735 adamnyń jaǵdaıy aýyr, 169 pasıenttiń jaǵdaıy óte aýyr, 93 naýqas ÓJJ apparatynda jatyr.

Qazaqstanda "úndi" shtammynyń taralýyna baılanysty koronavırýs qaıtadan órshı túsken. Keshe densaýlyq saqtaý birinshi vıse-mınıstri Marat Shoranov 1 shildede úndi shtammyn anyqtaý úshin 414 synamanyń PTR skrınıngi ótkizilgenin, sonyń nátıjesi boıynsha úndi shtammy barlyq oblystar men Nur-Sultan, Almaty, Shymkent qalalarynda tabylǵanyn málim etti.

Onyń sózinshe, "Delta shtammynyń" taralýynan  sońǵy eki aptada aldyńǵy eki aptamen salystyrǵanda respýblıka boıynsha barlyq óńirlerde aýrýǵa shaldyǵý deńgeıi 1,9 ese ósken. Ol "Delta" shtammynyń juqpalylyǵy óte joǵary jáne anyqtalǵan shtamdarǵa qaraǵanda 60% juqpaly bolyp keletinin, orta eseppen 1 adamnan 5-6 adamǵa juǵatynyn aıtty.

2021 jylǵy 9 shildedegi málimet boıynsha Qazaqstanda vaksınanyńI komponentin 4 134 139 adam, II komponentin 2 336 019 adam saldyrǵan.