Kezdesýde Reseı tarapy Aýǵanstannyń soltústigindegi shıelenisti jaǵdaıǵa alańdaýshylyq bildirip, jaǵdaıdyń el aýmaǵynan shyǵyp ketýine jol bermeýge shaqyrǵan.

Tálipter tarapy Ortalyq Azıa elderi shekarasyn buzbaıtynyna, Aýǵanstan aýmaǵyndaǵy sheteldik dıplomatıalyq jáne konsýldyq mısıalardyń qaýipsizdigin qamtamasyz etetinine sendirgen.

Saıt málimetinshe Tálipter qozǵalysy Aýǵanstandaǵy barlyq etnıkalyq toptardyń múddesin esker otyryp, kelissózder arqyly turaqty beıbit ómirge qol jetkizýge yntaly ekenin, eldegi adam quqyǵyn, sonyń ishinde ıslam normalary men aýǵan dástúri sheńberinde áıel quqyǵyn saqtaýǵa daıyndyǵyn jetkizgen.

Buǵan deıin  batys barlaý qyzmetiniń basshylary AQSH áskerin Aýǵanstannan shyǵarýyna baılanysty aımaqtaǵy Ál-Kaıda men DAISH sıaqty uıymdardyń kúsheıýine alańdaıtyny habarlanǵan.