Úndistanda koronavırýstyń mýtasıaǵa ushyraǵan jańa túrimen aýyrǵan naýqastardyń sany azaıyp jatyr. Bul týraly Úndistan densaýlyq mınıstirligi habarlady.

Úndistan densaýlyq saqtaý mınıstrligi jasaǵan málimdemege sáıkes, sońǵy táýlikte 43 myń 393 jańa juqtyrý jaǵdaıy anyqtalyp, 911 adam qaıtys bolǵan. 44 myń 459 naýqas aýrýdan saýyqqan. 458 myń 727 naýqas emdelip jatyr.

Úndistan densaýlyq saqtaý mınıstrligi vaksınasıa bastalǵan 16 qańtardan beri elde 368 mıllıon 991 myń 222 adam vaksına salǵyzǵan. Biraq 1,4 mıllıard turǵyny bar elde vaksınasıa indetti toqtata alatyn deńgeıge áli jetken joq.

Koronavırýs týraly aqparat taratatyn "Worldometers" saıtynyń deregine sáıkes, Úndistan álemde eń kóp vırýs taralǵan 2-shi jáne koronavırýstan ólim kóp bolatyn 3-shi el sanalady.