Qoǵam belsendisi Muhtar Taıjan erteń prezıdent Q.Toqaevtyń qatysýymen ótetin  úkimettiń keńeıtilgen otyrysynan aıtarlyqtaı nátıje kútpeıtinin aıtty. Bul týraly ol facebook paraqshasynda jarıalady. 

– Erteń prezıdent Toqaev jarty jyldyń qorytyndysy boıynsha oblys ákimderiniń qatysýymen úkimettiń keńeıtilgen otyrysyn ótkizedi. Men kóp narse kútemin dep aıta amaımyn. Bir jyl buryn reformalar jónindegi joǵarǵy keńeste úmitim boldy. Biraq úkimet otyrysy bir apta buryn ótti, adamdar ony baıqamady da. Durys, óıtkeni onda eshqandaı reforma jarıalanǵan joq. 

Strategıalyq josparlaý jáne reformalar agenttiginiń tóraǵasy Qaırat Kelimbetov memleket basshysyna jalpyulttyq basymdyqtar men 2025 jylǵa deıingi ulttyq damý josparyn oryndaýǵa baǵyttalǵan 10 ulttyq jobany tanystyrdy. Ol búdjetten mıllıard dollar suraıtyny belgili. Biz mundaıdy kórip qoıǵanbyz, – deıdi Muhtar Taıjan. 

Qoǵam belsendisi Toqaevtyń prezıdent retindegi merzimniń 2 jyly ótip ketkenin, biraq ekonomıkalyq saıasatta naqty ózgeris  bolmaǵanyn aıtady. Ol muny kadrlardan kóredi. Belsendi erteńgi jıynda kadrlyq ózgerister bolmasa, elde beıbit ózgeris bolatynyna senbeıtinin, qurǵaqshylyq, qymbatshylyq, halyqtyń kedeılenýi áleýmettik kúızelisterge soqtyryp jatqanyn jetkizdi.

Muhtar Taıjan prezıdent aldynda eki tańdaý tur dep sanaıdy.

– Jaqynda Gaıtı prezıdentin atyp óltirdi, basynda meniń oǵan janym ashyǵan. Biraq ol el konstıtýsıasyn ózgertip, óziniń dıktatýrasyn ornatpaqshy bolypty. Bul eldi dıktatýra ábden qajytty. Dúvaleniń ákesi men uly bul eldi álemdegi eń kedeı jáne jemqor elge aınaldyrdy. Dúvaleniń ákesi ózin qudaı dep jarıalady.