Prezıdent Qasym-Jomart Toqaev úkimettiń keńeıtilgen otyrysynda ınflásıanyń ósýi eldiń ekonomıkalyq damýyna jáne áleýmettik ál-aýqatyna qaýip tóndirip otyrǵanyn aıtty.

– Basym baǵyttar tiziminde ınflásıa máselesi turýǵa tıis. Sonyń ishinde azyq-túlik ınflásıasy da bar. Qazaqstandaǵy ınflásıanyń óskenin bárimiz bilemiz. Biraq ondaı jaǵdaı kórshi elderde ǵana emes, álemdik ekonomıkada baıqalyp otyr. Degenmen Qazaqstandaǵy ınflásıanyń ósýi elimizdiń ekonomıkalyq damýyna jáne áleýmettik ál-aýqatyna qaýip tóndirip otyr. Bul – úlken qaýip-qater, – dedi prezıdent.

Toqaev ulttyq bank ulttyq qordyń jaǵdaıyn únemi baqylaýda ustaýy kerektigin atap ótti.

– Biz pandemıa kezinde ulttyq qordyń qarjysyn paıdalandyq. Búdjet ustap otyrdyq. Biraq strategıalyq jospardyń basty maqsaty – ulttyq qordyń rezervin arttyrý. Energıa resýrstarynyń baǵasy da ósip keledi, –dedi prezıdent.