Prezıdent Qasym-Jomart Toqaev úkimettiń keńeıtilgen otyrysynda oqýshylar men stýdentterdiń dástúrli oqý júıesine oralýyn qamtamasyz etýdi tapsyrdy.

– Pandemıa kezinde oqýshylar men stýdentter qashyqtan oqýǵa májbúr boldy. Bul jaǵdaı bilim sapasyna keri áserin tıgizdi. Sondyqtan, ótken oqý jylynda jiberilgen kemshilikterdiń ornyn toltyryp, jańa oqý jylynda kóshten qalyp qoımaýymyz kerek. Munyń birden bir joly – oqytýdyń burynǵy formatyna kóshý ekeni anyq, – dedi memleket basshysy.

Prezıdent koronavırýstyń jańa shtamdary paıda bolyp jatqan kezde dástúrli oqý formatyna ótý mindetin oryndaý ońaı emestigin atap ótip, oqýshylar men muǵalimderdi barynsha qorǵaıtyn keshendi tásil ázirleý kerektigine nazar aýdardy.