Qazaqstandyq sportshy Jalǵas Jumaǵulov UFC-degi alǵashqy jeńisine qol jetkizdi. Bul týraly sport.kz saıty habarlady.

Ol Las-Vegasta (Nevada shtaty, AQSH) ótken UFC 264 týrnırinde amerıkalyq sportshy Djerom Rıveramen (10-5) aıqasty. Jeńil salmaqtaǵy bul jekpe-jek úsh raýndqa josparlanǵan edi. Alaıda Jalǵas Jumaǵulov alǵashqy raýndta-aq qarsylasyn jeńdi.

– Men óte baqyttymyn! Alǵashqy jekpe-jegim sátsiz boldy. Men elimdi jeńisimmen qýantqym keldi. Qazir halqym uıyqtamaı kútip otyrǵanyn bilemin. Bári osy jekpe-jekti kútti. Men búgin elim úshin jeńiske jettim, – dedi qýanyp Jalǵas Jumaǵulov. 

Jumaǵulov úshin bul – MMA kásibı mansabyndaǵy on tórtinshi, al UFC-degi alǵashqy  jeńisi. Buǵan deıin promoýshndegi aldyńǵy eki oıynda ol tóreshilerdiń sheshimimen Raýlı Paıvadan (20-3) jáne Amır Albazıden (14-1) jeńilip qaldy.