Qazaqstanda 13-15 shilde aralyǵynda aýa raıy qubylmaly bolady. Óńirlerde kún kúrkirep, jaýyn jaýyp, kún salqyndaıdy, dep habarlady Qazgıdromet.

Mekeme taratqan aqparatqa saı, atalǵan kúnderi respýblıkanyń basym bóliginde aýa raıy turaqsyz bolady. Soltústik-batysta, soltústikte, ortalyqta jáne shyǵysta qatty jańbyr jaýyp, naızaǵaı, burshaq, daýyl bolyp, jel turady.

Batysta aýa temperatýrasy túnde +12...+22℃, kúndiz +25...+35℃ bolady. Respýblıkanyń soltústiginde, soltústik-batysynda aýa temperatýrasy túnde +7...+20℃, kúndiz +12...+28℃, eldiń ortalyǵynda jáne shyǵysynda aýa temperatýrasy túnde +8...+20℃, kúndiz +15...+28℃ bolady.

Sınoptıkterdiń boljamyna sáıkes, Qazaqstannyń ońtústik jáne ońtústik-shyǵysynda túnde temperatýra +12...+23°S, kúndiz +25...+32°S kórsetip tur. 

Qazgıdromet respýblıkanyń megapolısterine arnap tómendegideı aýa raıy boljamyn usynady:

Almatyda 13 shildede kún ashyq bolady. Kúndiz aýa temperatýrasy +32℃, túnde +19℃.

14 shildede kóshpeli bult shyǵady, azdaǵan jańbyr jaýady. Aýa temperatýrasy kúndiz + 30℃ jyly, túnde + 18℃. Jeldiń jyldamdyǵy sekýndyna 13 metrge jetedi. Al 15 shilde kúni kún bultty, jańbyr jaýady, naızaǵaı oınaıdy. Kúndiz +30℃ jyly bolady, keshke aýa temperatýrasy +18 gradýsty kórsetedi.

Nur-Sultanda 13 shildede kóshpeli bult shyǵady, aýa temperatýrasy kúndiz +17℃, túnde +11℃. Jeldiń jyldamdyǵy 13 m/s-ke jetedi. Al 14 shildede kún bultty bolady, kúndiz +13℃, túnde +10℃ jyly bolady. 15 shildede kún bultty bolyp, azdaǵan jańbyr jaýady. Aýa temperatýrasy +18℃, túnde +10℃. Jeldiń jyldamdyǵy – 16m/s.

Shymkent qalasynda 13 shildede kún alabultty, azdaǵan jańbyr jaýady. Kúndiz aýa temperatýrasy +32℃, túnde +22℃. 14 shildede kún ashyq, aýa temperatýrasy kúndiz + 31℃, túnde + 20℃. 15 shildede kún ashyq bolady, aýa temperatýrasy kúndiz +32℃, túnde +15℃-ty kórsetedi.