Eýropalyq Odaq 2014 jyldan bastap Reseıge qarsy qoldanǵan ekonomıkalyq sanksıalar merzimin "Ýkraınany turaqsyzdandyrady" degen sebeppen taǵy 6 aıǵa uzartýǵa sheshim qabyldady. Bul týraly aa.com.tr saıty málimdedi.

Reseı 2014 jyldyń 18 naýryzynda Qyrym avtonomıalyq respýblıkasy men Sevastopol qalasyn zańsyz anneksıalaǵan. Osyǵan baılanysty EO Reseıge ekonomıkalyq sanksıa sala bastady. Oǵan sáıkes, EO-ǵa múshe elder Reseıge qarý sata almaıdy.

Sondaı-aq sanksıalar Reseıdiń EO elderinen munaı-gaz salasynda qoldanylatyn keıbir tehnologıalaryna tyıym saldy. Sonymen qatar Reseıdiń memlekettik bankteri Eýropadaǵy qarjy sektorynan shyǵarylǵan.

Sanksıalar ár 6 aı saıyn uzartylady. Qazirgi sanksıalardyń merzimi 2021 jylǵy 31 shildede aıaqtalady. Ekonomıkalyq sanksıalardan basqa, EO-da Reseıge qarsy dıplomatıalyq sharalar bar. Onyń aıasynda jeke tulǵalarǵa Eýropa odaǵy elderi aýmaǵynda saıahatqa shyǵýy men basqa da is-sharalar jasaýyna tyıym salynǵan.