Qazaqstan aýmaǵynda koronavırýs ınfeksıanyń taralýyna jol bermeý jónindegi vedomstvoaralyq komısıa otyrysynda karantın sharalaryn kúsheıtý týraly sheshim qabyldandy.

Otyrysta komısıa tóraǵasy vıse-premer Eraly Toǵjanov memlekettik organdarǵa qysqa merzimde koronavırýsqa qarsy is-qımyl sharalaryn túbegeıli qaıta qaraý,  19 shildege deıin shaǵyn jáne orta bıznes qyzmetkerlerine vaksınasıa júrgizýdiń naqty merzimderin qaıta qaraý jáne belgileý, "Pfizer" kompanıasymen kelisimge qol qoıý jónindegi jumysty uıymdastyrý jáne vaksınany jetkizý týraly kelisimshart jasasýdy qamtamasyz etý, 19 shildege deıin mindetti vaksınasıalaýǵa jatatyn qoǵamnyń tirshilik etý salalaryn anyqtaý sekildi mindetter qoıdy.

Sondaı-aq "qyzyl aımaqtaǵy" óńirlerde karantın shekteýlerin kúsheıtý týraly sheshim qabyldandy.

Oǵan saı:

- "Ashyq" jobasyna qatysatyn obektilerdi qospaǵanda, qalaaralyq, oblysishilik, qalalyq turaqty jáne turaqty emes (týrısik) avtobýs jáne shaǵyn avtobýs tasymaldary,  jabyq jaǵajaılar men akvaparktardyń qyzmeti toqtatylady.

Demalys jáne mereke kúnderi:

- qoǵamdyq kóliktiń;
- "Ashyq" jobasyna qatysýshylardy qospaǵanda, qoǵamdyq tamaqtaný obektileriniń;
- "Ashyq" jobasyna qatysatyndardy qospaǵanda, fıtnes-ortalyqtardyń, fıtnes-klýbtardyń, ıoga-ortalyqtarynyń, sporttyq-saýyqtyrý obektileriniń, saýnalardyń, SPA-ortalyqtardyń, baseınderdiń;
- "Ashyq" jobasyna qatysatyndardy qospaǵanda, kınoteatrlardyń, teatrlardyń, konsert zaldarynyń, fılarmonıalardyń, kompúterlik klýbtardyń, boýlıńterdiń, bılárdtyń, karaokeniń, kórmelerdiń;
- "Ashyq" jobasyna qatysýshylardy, ashyq bazarlardy, jármeńkelerdi qospaǵanda, aýdany 2000 m2 deıingi azyq-túlik emes taýarlardy ótkizý jónindegi obektilerdiń;
- "Ashyq" jobasyna qatysýshylardy qospaǵanda, sport obektileriniń (sport keshenderi, sport mektepteri, sport klýbtary, jattyǵý zaldary);
- bilim berý ortalyqtarynyń, balalar men eresekterge arnalǵan úıirmelerdiń, balalardy damytý ortalyqtarynyń;
- "Ashyq" jobasyna qatysatyndardy qospaǵanda, fýdkorttardyń qyzmetine TYIYM SALYNADY!

Jumys kúnderi qyzmetteri shekteledi:
- "Ashyq" jobasyna qatysatyn fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtardyń, sport obektileriniń, baseınderdiń qyzmeti 20-00 saǵatqa deıin;
- OSO, saýda úıleriniń, saýda jelileriniń "Ashyq" jobasyna qatysýyna qaramastan saǵat 18-00-ge deıin;
- "Ashyq" júıesine qatysatyn qoǵamdyq tamaqtaný nysandary, fýdkorttar – saǵat 20-00 deıin;  - "Ashyq" júıesine qatyspaıtyndar saǵat 18-00-ge deıin.

21 shildedegi jaǵdaı boıynsha Nur-Sultan, Almaty, Shymkent qalalary, Aqmola, Aqtóbe, Atyraý, Batys Qazaqstan, Qaraǵandy, Qostanaı, Mańǵystaý jáne Pavlodar oblystary "qyzyl" aımaqta.