Atyraý oblysy boıynsha Ulttyq qaýipsizdik komıteti qyzmetkerleri óńirde júrgizilgen arnaıy operasıa kezinde uıymdasqan qylmystyq topty anyqtady. 

Qylmystyq top múshelerine kásipkerlerden aqsha bopsalap, uryp-soǵý jolymen óndirip alyp otyrǵan degen aıyp taǵylýda. Sondaı-aq, olardyń halyqaralyq qylmystyq toptarmen baılanysy bolýy múmkin degen kúdik te bar. 

Uıymdasqan toptyń quramynda sportshylar, teris dinı aǵymnyń músheleri bar dep boljanýda. Qazirgi ýaqytta 5 adam ustalǵan. Olardan bes sýyq qarý jáne oq-dáriler tabylǵan. Shamamen toptyń belsendi músheleri sanalatyn bes adamnyń úsheýi ýaqytsha oqshaýlaý ızolátoryna qamalǵan, ekeýi kýáger retinde ótýi múmkin. Qazir tergeý sharalary júrgizilýde.

Atalǵan is boıynsha qylmystyq kodekstiń 194-baby 2-bóligi (bopsalaý) boıynsha sotqa deıingi tergeý bastaldy.