Qytaıdyń Szánsý provınsıasy Sýchjoý qalasyndaǵy Siji Kaiyuan qonaqúıi opyrylyp túsýi saldarynan 17 adam qaza tapty, dep jazady bbc.
Jergilikti Global Time basylymy alǵashqy zertteý nátıjeleri apatqa ǵımarat qurylymynyń ózgerýi sebep bolǵanyn kórsetkenin habarlady. Sońǵy jyldary ǵımaratta jóndeý jumystary jıi bolǵan.
– Buryn ǵımarat 3 qabattan turatyn. Biraq keıinirek qosymsha qabattar qosyldy, – degen turǵyndardyń biri Red Star News agenttigine.
Szánsý provınsıasynyń bıligi apat sebebi anyqtalyp jatqanyn, jaýapty adamdar qylmystyq jaýapkershilikke tartylatynyn málim etti.
Qonaqúı dúısenbi kúni jergilikti ýaqyt boıynsha 15:33-te opyrylǵan. Bastapqyda 54 nomerden turatyn qonaqúıde 18 adam bolǵany habarlanǵan, alaıda artynsha ishte tirkelmegen 5 qonaq bolǵany anyqtaldy. Apattan 6 adam aman qaldy.
Pikir qaldyrý