Nissan, Renault avtokonsernderin basqarǵan top-menedjer Karlos Gon Bı-bı-sıge bergen suhbatynda Japonıadan qalaı qashyp shyqqany týraly aıtty.
Menedjer Nissan kompanıasynyń shyǵyndaryn qysqartyp, daǵdarystan alyp shyqqan. Ol avtoóndiris salasynda tanymal ári syıly fıgýra sanalady.
Karlos Gon 2018 jylǵy qarashada jyldyq jalaqysyn tómendetip kórsetti, Nissan kompanıasynyń qarjysyn jeke maqsatqa paıdalandy dep aıyptalyp ustalǵan. Ol ózine taǵylǵan aıyppen kelispeı, tolyqtaı teristeıdi.
Karlos Gon óziniń ustalýyn "avtobýs qaǵyp ketkendeı" shok jaǵdaı retinde qabyldaǵanyn aıtady.
Ol biraz ýaqyt Tokıodaǵy abaqtady otyryp, artynsha 9 mln dollar kepilmen úı qamaqqa shyǵarylǵan. Gon úshin sot prosesi qashan óteri beımálim bolǵan. Bul belgisizdik jyldarǵa sozylýy múmkin edi. Gon kináli dep tanylsa, 15 jylǵa bas bostandyǵynan aıyrylý qaýpi tónip turdy.
Gon úıqamaqta otyrǵanda áıeli Kerolmen sóılesýine ruhsat etilip, ol "osy sátti paıdalaný kerek" dep sheshedi.
– Josparǵa saı, men túrimdi kórsete almaımyn, sondyqtan maǵan jasyrynýǵa týra keldi. Al jasyrynatyn jalǵyz jol – qorap nemese bagaj ǵana edi. Men úlken qorap retinde kádimgi mýzykalyq ınstrýmentter salynatyn qorapty qoldanýdy eń aqylǵa qonymdy amal dep oıladym. Onyń ústine ol kezde Japonıada kóptegen konsertter ótip jatqan, – deıdi ol.
Karlos Gon aldymen Tokıodan júrdek poıyz arqyly Osaka qalasyna jetedi. Kórshi qonaqúıde daıyndalyp qoıylǵan jáshik ishine kirip, ushaq áýege kóterilgenge deıin kútedi. Gon otyrǵan jáshikti aldyn ala kelisip qoıǵan mýzykant keıpindegi ákeli-balaly amerıkalyq Maıkl men Pıter Teılorlar qonaqúıden alyp shyǵyp, jekemenshik ushaq otyrady.
Gon esebinshe, ol ushaqqa deıin jáne ushaqtyń áýege kóterilgenin kútip jáshik ishinde birjarym saǵattaı bolǵan. Oǵan osy bir jarym saǵat ýaqyt bir jarym jylǵa sozylǵandaı kóringen. Gon qorapqa otyrǵanda ótkendi de, bolashaq týraly da emes, tek qazirgi sátti ǵana oılaǵanyn aıtady.
– Siz mundaıda qoryqpaısyz, esh emosıa bolmaıdy. Tek múmkindikti ýystan shyǵaryp alýǵa bolmaıtynyna jan-tánińmen daıyndalasyń. Eger múmkindikti jiberip alsań, onyń quny ómirmen para-par ekenin túsinesiń, – deıdi ol.
Jeke ushaq keden men shekaralyq prosedýralardan aınalyp ótip, Gondy Túrkıaǵa jetkizedi. Ary qaraı ushaqty aýystyryp, kelesi kúni tańerteń Gon Beırýtke qonady. Gonnyń Lıvanǵa kelýi kezdeısoq emes. Óıtkeni dál osy Lıvan men Japonıa arasynda qylmyskerlerdi ekstradısıalaý týraly kelisim joq. Onyń ústine Gon ulty boıynsha – lıvandyq.
Al oǵan qashýǵa kómektesken Maıkl Teılor men onyń uly Pıterdi AQSH Japonıa polısıasyna tapsyrǵan. Olar Gonnyń qashýyna kómekteskeni úshin 3 jylǵa bas bostandyǵynan aıyrylýy múmkin.
Karlos Gon ózine qatysty is boıynsha ózge adamdar quqyq júıesiniń qurbany bolyp jatqanyna ókinish bildiredi. Ol qashý áreketin "jazadan qoryqqandyqtan qashpadym, ádiletsizdikten qashtym" dep túsindiredi.
Pikir qaldyrý