Shyǵystanýshy, dintanýshy, ádebıet zertteýshi, jazýshy, synshy, fılologıa ǵylymdarynyń doktory Ábsattar qajy Derbisáli qaıtys boldy.

Birer kún buryn onyń qatty syrqattanyp, jansaqtaý bóliminde jatqany habarlanǵan.

Ábsattar Baǵysbaıuly Derbisáli 1947 jyly 15 qyrkúıekte Ońtústik Qazaqstan oblysy Túlkibas aýdanynda dúnıege kelgen.

1969 jyly M.Áýezov atyndaǵy Ońtústik Qazaqstan memlekettik ýnıversıtetiniń fılologıa fakúltetin úzdik támámdaǵan.

1970-1975 jyldary KSRO Ǵylym Akademıasy Shyǵystaný ınstıtýtynyń aspırantýrasynda oqydy.

1975-1976 jyldary Marokko Koróldigi, 1985-1986 jyldary Týnıs Arab respýblıkasy ýnıversıtetterinde arab tili men ádebıeti boıynsha biliktilik arttyrýdan ótken.

1976-1977 jyldary QR ǵylym akademıasy M.O.Áýezov atyndaǵy Ádebıet jáne óner ınstıtýtynyń ǵylymı qyzmetkeri bolǵan.

1977 jyly ál-Farabı atyndaǵy Qazaq Memlekettik Ulttyq ýnıversıtetinde asıstent, aǵa oqytýshy, dosent, fılologıa fakúlteti dekanynyń orynbasary, Shyǵys fılologıa kafedrasynyń meńgerýshisi, 1986-1988 jyldary KSRO Ǵylym Akademıasy Shyǵystaný ınstıtýtynyń doktoranty, 1989 jyly Shyǵystaný fakúltetiniń dekany, 1991-1997 jyldary Tilder jáne Halyqaralyq baılanystar jónindegi prorektor, 1997-2000 jyldary Qazaqstan Respýblıkasynyń Saýd Arabıasy Koróldigindegi elshiliginiń keńesshisi, 1-synypty keńesshi qyzmetterin atqarǵan.