Qazaqstannyń bas sanıtar dárigeri Erlan Qıasov jańa qaýly jarıalady. Qujatqa sáıkes, koronavırýsqa qarsy vaksına saldyrmaǵan qyzmetkerlerdiń jumysqa kelýine shekteý engiziledi.

Bas sanıtar dáriger Qazaqstandaǵy mindetti vaksınasıanyń jańa merzimin atady.

Qujatta 2021 jylǵy 10 tamyzǵa deıingi merzimde profılaktıkalyq vaksınasıanyń birinshi komponentin, al 2021 jylǵy 1 qyrkúıekke deıingi merzimde COVID-19 vaksınasynyń ekinshi komponentin salýdy uıymdastyrý qajettigi aıtylady. Bul talap turaqty medısınalyq qarsy kórsetilimderi bar, sońǵy úsh aıda koronavırýspen aýyrǵan jumysshylarǵa qatysty emes.

Shekteý tómendegi uıymdardyń qyzmetkerleri úshin engiziledi:

• halyqqa qyzmet kórsetý ortalyqtary (HQKO), "Qazposhta" AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanıalary, jyljymaıtyn múlik jónindegi agenttikter, jarnama agenttikteri, aıyrbastaý pýnktteri, lombardtar;

• sulýlyq salondary, shashtarazdar, hımıalyq tazalaý oryndary, kir jýý oryndary;

• fıtnes, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabınetteri, monshalar, saýnalar, baseınder, jaǵajaılar, tıpografıalyq kórsetiletin qyzmetter;

• tigin atelesi, fotosalondar, aıaq kıim sheberhanalary, gúl dúkenderiniń, aıaq kıim, kıim jóndeý, uıymdastyrý tehnıkasyn jóndeý jónindegi servıs;

• notarıýs, býhgalter jáne konsaltıń, manıkúr jáne pedıkúr, kosmetologıalyq qyzmetterdi kórsetý jónindegi obektiler, ózge de obektiler;

• halyqtyń turýy boıynsha qyzmetter kórsetý salasyndaǵy obektiler (qonaq úıler, otelder, hostelder, motelder, jataqhanalar, kempıngter jáne taǵy basqalar);

• jolaýshylar tasymalyn júzege asyratyn uıymdar, áýejaılar, temirjol, avtomobıl jáne sý vokzaldary, ózen jáne teńiz porttary, avtostansıalar/avtoótpe joldaryn, jolaýshylarǵa qyzmet kórsetý pýnktteri;

• qoǵamdyq tamaqtaný obektileri, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn obektiler, strıt-fýdtar;
• demalys obektileri, oıyn-saýyq oıyn obektileri (kompúterlik klýbtar, bılárd zaldary, boýlıńter, oıyn-saýyq ortalyqtary/saıabaqtary, atraksıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar);

Qaýly 15 shildede saǵat 00:00-den bastap kúshine enedi.