2021 jyldyń Qurban aıt merekesi 20 shildege (seısenbi) sáıkes keledi. 3 kúnge sozylatyn bul dinı meıramnyń birinshi kúni (20 shilde) elde memlekettik demalys retinde jarıalandy.

Eske sala keteıik, Nur-Sultandaǵy epıdemıologıalyq jaǵdaıdyń nasharlaýyna baılanysty karantın sharalary taǵy da kúsheıtiledi. Shekteýler 17 shilde kúni saǵat 00.00-den bastalady. Buǵan deıin Nur-Sultan men Almaty qalalarynda Qurban aıt merekesin toılaýǵa qatysty qosymsha shekteýler engizilgen bolatyn.

Almaty qalasynyń bas sanıtary Jandarbek Bekshın de «Qurban aıt merekesine baılanysty is-sharalardy shekteý týraly» jarlyqqa qol qoıdy. Sonymen, 20-22 shilde aralyǵynda qalada, medreselerde adamdardyń jınalýyna (aıt namazyn qosa) is-sharalar ótkizýge tyıym salynady.

Qurbandyqqa arnalǵan maldy bazarlar men avtokólikterde jáne jeke úı sharýashylyqtarynda satýǵa tyıym salynady. Karantındik shekteýler eldegi aýrýlar men ólim-jitim sanynyń kóbeıýine baılanysty Nur-Sultan, Shymkent, Qaraǵandy jáne Atyraý oblystarynda kúsheıtiledi.