Shymkenttegi meıramhana qyzmetkerleri qalalyq bas sanıtar dárigerdiń qaýlysyna narazylyq bildirip, vıdeo túsirdi. Vıdeony aibat_news áleýmettik paraqshasy jarıalady.
Qalalyq bas sanıtar dárigerdiń qaýlysyna sáıkes, tamaqtaný oryndary keshki saǵat 8-ge deıin ǵana jumys isteı alady. Sheshim shyqqan birinshi kúni kóptegen meıramhanalar kelýshilerdiń azdyǵyna baılanysty shyǵynǵa batqandaryn aıtady. Tipti keıbir tamaqtaný oryndary jabylýǵa májbúr bolǵan. Júzdegen aspazdar men daıashylar aqysyz demalysqa jiberilgen.
– Men kúnine 200 myń teńge shyǵynǵa batamyn. Meniń qaryzymdy kim jabady? Tastaýǵa týra keletin azyq-túlikter bar, óıtkeni olar búlinedi. Qyzmetkerlerdiń jalaqysy, komýnaldyq qyzmetterge jumsalatyn shyǵyndar bar, – dedi "Premıým-klass" meıramhanasynyń basqarýshysy Aıgúl Teleýbaeva.
– Bir tamaqtaný ornyn jabý maǵan ortasha eseppen 1,5-3 mıllıon teńge shyǵyn alyp keledi. Men olardyń úsheýin japtym. Olardy jańa tásilmen iske qosý úshin taǵy osyndaı somada aqsha kerek, – dedi meıramhanalar jelisiniń basqarýshysy Iýlıa Kýrılenko.
Qıyndyqtarǵa baılanysty kásipkerler, memleketten qarjylyq qoldaý kórsetýdi jáne olardy biraz ýaqytqa salyq tóleýden bosatýdy nemese buıryqty ózgertýdi jáne tún ortasyna deıin jumys isteýge múmkindik berýdi suraıdy.
Posmotret etý pýblıkasıý v Instagram
Pikir qaldyrý