AQSH prezıdenti Djo Baıden Aq úıde Germanıa kansleri Angela Merkelmen kezdesti. Bul týraly CNN aqparat agenttigi habarlady.

Kezdesý barysynda kóshbasshylar Germanıa-Reseı qubyr jelisi, Aýǵanstannan shyǵý prosesi, Covid-19 epıdemıasy jáne ǵalamdyq jylyný máselelerin talqylady.

Baıden Germanıada tabıǵı apattan qaza tapqandardyń týystaryna kóńil aıtyp, Merkeldi alǵashqy áıel kansler bolǵany úshin jáne bılikte uzaq ýaqyt otyrǵanymen  quttyqtady.

Baıden eki eldiń energetıka jáne qorshaǵan orta salasynda yntymaqtastyq jasaıtynyn málimdedi. Kóshbasshylar Germanıa men Reseı arasynda salynatyn "Soltústik qubyr-2" jobasynda "Reseıdiń energıa resýrstaryn qarý retinde paıdalanýyna jol bermeý" týraly kelisim jasady.

Baıden Aýǵanstandaǵy AQSH áskerlerine qoldaý kórsetip júrgen nemis kúshterine de alǵysyn bildirdi.

– Bizdiń terrorısterge qarsy yntymaqtastyǵymyz jalǵasady, – dedi Djo Baıden.

Eki kóshbasshy kóptegen máseleler boıynsha ortaq kózqarastarynyń bar ekenin aıta kele, Qytaıdaǵy adam quqyqtaryna degen kózqarasymen kelispeıtinin málim etti.

Merkel prezıdenttik qyzmetti qabyldaǵannan keıin Baıdenge barǵan alǵashqy eýropalyq kóshbasshy.