"Qazatomónerkásip" UAK" AQ "Baıken-U" JSHS satyp alý departamentiniń basshysy para alý kúdigimen ustaldy.

"Qazaqstan Respýblıkasy Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti merdiger uıym ókilinen 2,2 mln teńge kóleminde para alǵany úshin "Kazatomprom" UAK" AQ "Baıken-U" JSHS satyp alý Departamentiniń basshysyn ustady" delingen habarlamada.

Atalǵan laýazymdy tulǵa oryndalǵan jumystardyń aktilerine kedergisiz qol qoıý jáne qyzmet kórsetý sharty boıynsha ári qaraı aýdarý úshin aqsha qarajatyn alǵany anyqtaldy.

Qazirgi ýaqytta tergeý jumystary jalǵasýda.

"Qazatomónerkásip" UAK" AQ – dúnıejúzindegi aýqymdy resýrstyq bazanyń birin ıgerý basymdyǵyna ıe álemdegi eń iri tabıǵı ýran óndirýshi.