Vaksına saldyrýdan bas tartatyn qazaqstandyqtardy eshkim májbúrlemeıdi. Bulaı dep prezıdent Qasym-Jomart Toqaev eldegi sanıtarlyq-epıdemıologıalyq ahýal jónindegi keńeste barysynda aıtty.

– Vaksına saldyrǵysy kelmeıtin adamdarmen jumys jasaǵanda basqasha tásildi (dıfferensırovannyı) qoldanyp kórý kerek. Halyq arasynda vaksınasıadan bas tartýdyń sebepteri ár túrli. Áli kúnge deıin keıbir adamdar eki oıly bolyp júr. Biz olardy barlyq jolmen tipti áleýmettik jeliler arqyly da sendirýimiz kerek. Keıbir damyǵan batys elderinde olardy sendirý úshin májbúrleý, kúshteý sharalaryna kóshýde. Biz buǵan barmaımyz, – dedi Toqaev.

Sondaı-aq ol vaksınamen barlyq aımaqtyń qamtylýyn jáne arnaıy toptar qurylý qajettigin atap ótti.